TOLUMỌYE 01

Bible Tebara ka kị Baratụa Ị́ Pịrị A Paa Emi A O?

FARỊ

Biin kịmịama ụndụ, ụya, fịị, má bọlọụ a paa mịnị yeama gbelemọ biibịbịama bii mịnị. Omịnị sịlị nana wẹrị warị gbalị mịnị bụụdọọnyeama, bá bolouịmbẹlẹ warịbolou a timi mịnị bara kpọ dọụ wẹrị emi. Biin kịmịama dọụ ẹrị dẹ bara bị Bible ụndụ yelaa biibịbịama paraị wẹrị emi má mọkpọ ebi tolumọye akị wó pịrị mịnị. Bible laa baratụa kịmịsẹ pịrị mụ bara ị́ mọ nimi wẹrị emi?

1. Bible te biibịbịama kị paraị wẹrị emi a o?

Bible bei yelaa biibịbịama paraị wẹrị emi: Ụndụ tebara kị mịẹ timi paa ma? Tetuu kị duonị Ọkpọnanaowei ụndụ tẹmẹ ma o? Tetuu kị duonị ebi otu ụya fị mịnị a o? Kịmị tọbọụ fịị dẹsẹ teeki paa mịnị a o? Kịmịsẹ dọọ kị dọụ mịnị aba, tetuu kị duonị sụụ ọkpọ bọọ emi a o? Kiriogbo bei bọlọụ bị tebara kị paa mịnị a o? Omịnị paraịbịbịmọ dọụ kị Bible mụ gbaa mị, má biin kịmịama Bible paraịbịbịmọ kịrịị emi bara dọụ ẹrị dẹ.

2. Bible tebara ka kị baratụa wó inyenrinbụọ pịrị mịnị a o?

Bible ebi tolumọ bịbị akị wó pịrị wẹrị emi. Gbamaba, warịbolou gesii bolouịmbẹlẹ nana mịnị bara Bible mụ gbaa wó pịrị wẹrị emi. Solosolo inyenrinbụọ datịẹmọ mịnị bara, má wó wenị emi fịrị duo pọwẹị nana mụ bara kpọ gbaa wẹrị emi. Bei fun wó mọ tolumọ emi bị, Bible bei egberimọ gbelemọ yọ bọọ pịrị wẹrị emi tolumọ bịbịmọ má zịnị yelaa yeama kpọ ị́ mọ dọụ ẹrị mịnị. “Bible bolou bọọ [emi egberimọsẹ] . . . arere emi” bara ị́ mọ pei mịnị. —2 Timothy 3:16.

Bei fun bị Bible deigha. Mọabịkpọ, fun bị ị́ kụrọmọ wẹrị iné bẹtịbị Bible goo mịnị. Anị duonị, omịnị ị́ kụrọmọ mịnị bei fun bolou bọọ emi Bible yọmọ goo má anị akị iné tolumọ emi yemọ diitụa.

EBIBARA TUUDỌỤ

Bible baratụa kịmịama pịrị emi bara tolumọ nimi, ị́mịnị kpọ pọwẹị bara ụ goo, má ị́mịnị baratụa pịrịye dọụ emi tuu kpọ nimi.

3. Bible wó kekere mịnị

Bible gaan kụrọmọ emi tụkpa bara k’emi. Bible bị baratụa wó pịrị wẹrị ebi iroro tọn mịnị bá baratụa wó pịrị bọlọụ bọọ paa mịnị ye nimi mịnị.

Psalm 119:105 goo, má bei biibịbịmọ kẹrị ẹrẹtei:

Bei psalm fun gẹẹ-owei bị tebara ka kị Bible diimọ ma o?
Ị́mịnị tebara ka kị Bible diimọ ma o?

4. Bible wó biibịbịmọ paraị a paa emi

Kẹnị ere ara ghọ bụụdọọn timi biin kụraị-ama baịdẹ biibịbịama Bible mọ paraị bara dọụ ẹrị mị. VIDIO farị dá, kirianga bọọ emi biibịbịmọ kẹrị ẹrẹtei.

VIDIO: Benebene Ukiemọye Bọọ Barasin Kụmọ! (1:48)

Vidio bolou bị iné ẹrị bara bị, erema te biibịbịama kị nana ma o?
Bible tolumọ yọbị tebara ka kị baratụa a pịrị ma o?

Omịnị biibịbị bii kị Bible mọ dọụ emi. Matthew 7:7 goo, má kirianga bọọ emi biibịbịmọ kẹrị ẹrẹtei:

Bible te biibịbịama kị paraị ị́ pịrị a paa emi a o?

5. Ị́mịnị pọwẹị bara akị Bible goo a paa emi

Biin kịmịama pọwẹị bara akị Bible goo mịnị má arere kpọ a laa mịnị. VIDIO farị dá, kirianga bọọ emi biibịbịmọ kẹrị ẹrẹtei.

VIDIO: Bible Goo yọ (2:05)

Vidio bolou bị iné ẹrị bara bị, asịyaị pesi otumọ tebara ka kị ye goo diimọ wẹrị emi a o?
Amịnị ye goo dịsẹ-kagha kpọ, tetuu kị duonị amịnị Bible goo dịsẹ emi a o?

Bible bị wó tolumọ má kụrọmọye akị wó pịrị mịnị ukiemọye gbaa wẹrị emi. Romans 15:4 goo, má kirianga bọọ emi biibịbị kẹrị ẹrẹtei:

Kụrọmọye má ukiemọye gbelemọ yọbị, Bible kii koromọ egberi bị ị́ dịsẹ emi a?

6. Zịnị-otu kpọ baratụa ị́ pịrị Bible ghọ sụọtuu nimi mịnị

Biin kịmịama bẹtịbị Bible goo emi, anịa amịnị dọụ ẹrị bara bị Bible akị zịnị-otumọ ẹrẹtei mịnị yọ kị baratụa a pịrị dẹịn mịnị. Acts 8:26-31 goo, má kirianga bọọ emi biibịbịmọ kẹrị ẹrẹtei: