IFIEBOSẸ LETIMI!
Ukraine a Paamịnị sụụ mị Karịbụọbo Te Anga kọọ Sụọ emi a—Bible Teekị Gbaa Ma?
Karịbụọ Tịbịotubo Mịẹmịnị Yebo Wó Mọ Zụa Diitụạ:
Mị Sụụ gbelemọ yomị “Russia Orthodox Church Tịbịowei, Patriarch Kirill, naá kẹnịye kpọ gbaa tụạgha . . . . Anịa wo Church gbaamịnị ekpe-egberibo kị Putin ịkịyọụ a timi bị sụụ dọụmịnị.”—EUobserver, March 7, 2022.
“Patriarch Kirill . . . gbaa bara mị, Russia dọụmịnị sụụ mị kịrịị emi, sụụ bị akị sei kị seri siin mịnị .”—AP News, March 8, 2022.
“Ukraine Orthodox Church Daaowei, Kyiv, Metropolitan Epiphanius kị duopaa emi, omịnị Monday bai-erin, tariama kọn wo kịmịbọ pịrị dá amịnị ‘bo Russian mọ sụumịnị otubọ’ dẹịnmọ bara gbaa mị . . . [Omịnị] mọkpọ gbaa mị, Russia sụụdọụ-otubọ baamịnị yomị seigha .”—Jerusalem Post, March 16, 2022.
“Omịnị [the Ukrainian Council of Churches and Religious Organizations (UCCRO)] bara-poumọ Ukraine Sụụdọụ otubosẹ mọ bá wó ebe zụọmịnị otubọsẹ pịrị mị, Ukraine eginrein-otubo bara duo wó zụọmịnị otubo omịnị tariama akị a pịrị bá tee a pịrị mị.”—UCCRO a Statement, February 24, 2022.
Tebara kị ímọ tọn ma? Jesus Christ tuu kị duo mịnị karibụọama kpọ, kịmịama kụrọmọ wẹrị sụụ yọ a mú agbẹị emi? Bible teeki gbaa ma?
Karịbụọ mọ sụụ mọ kẹnịsụọ mọ emi a
Paabụọdẹ yeama mịẹ gaan bara mị, karịbụọama dọọ dọụ mịnị bara akị kịmịama lẹịmọ wẹrị sụụ amụ, sụụbo kịrịị emi bara gbaa, bá mịẹmọ agbẹịye mịẹgha. Anịa biin kụraịama bụọdẹsẹ, Jehovah Iseriotu karịbụọ mịẹmịnị seiyebo gbaa paamọ mịnị. Wó fun bo a gẹẹkoromọ wẹrị emi yaịbo wó zụa diitụạ.
“The Crusades—A ‘Tragic Illusion’” mịẹ gaan bara mi, Roman Catholic Church Okponanaowei mọ bá Christ mọ ẹrẹ akị gbaịnmọ wẹrị biin kịmịama kị baa dẹ
“The Catholic Church in Africa” kẹnị mịẹdiaye nẹ karịbụọ laa ebe baasiin mịnị sụụ laamọ tịẹmọgha bara gbaa mị.
Egberitịbịbo “Is Religion to Blame?,” “Religion’s Role in Man’s Wars,” bá “Religion Takes Sides” mịẹ gaan bara mị Catholic, Orthodox, bá Protestant tịbịotubo sụụ paadẹ ifiesẹ angabosẹ ka bara poumọ mịnị.
Christtuuduo mịnị karịbụọ sụụdọụ agbẹị emi a?
Jesus tolumọ yemị: “Iné angọ tarị wẹrị emi bara kị kọn iné ọvịkịmị tari.” (Matthew 22:39) “Ifiebosẹ iné eginren otubo tarị.”—Matthew 5:44-47.
Iroro dii: Jesus gbaa bara dii daba, wo tuuduo mịnị kịmị sụụdọụ a mú bá zọzọ baa agbei emi a? Parụbịbị ị́ mọ nimi dọụemisẹ, bei article bo “True Christians and War” bá “Is It Possible to Love One’s Enemies?” goo
Jesus gbaa yemị: “Ine daabụọ bei akpọye mọ sụọsụọyọ fa. Ine daabụọ mị akpọye mọ sụọsụọyọ timi wẹrị a, ine odubo-otubo a mọmọ sụụ wẹrị a bụọmọ ị́ kẹrị akị a timi mị.” (John 18:36) “Agbọdọ sibemịnị otumọsẹ agbọdọ kị pịrị baamịnị.”—Matthew 26:47-52.
Iroro dii: Christtuuduo otumọ nimi sụụ wẹrị ụ zụọgha ba, amịnị sụụ agbẹị emi? Bei egberitịbị mị “Is War Compatible With Christianity?” goo da bọlọụ Christtuuduo otumọ pẹlẹgha bara aki mịẹdịaye bá wo tolumọyebo kẹrịwẹnị bara mị ẹrị.
Teeki sụụ gho barapou mịnị karịbụọbo paamọ mịnị a?
Bible gbaa bara mị Jesus tolumọyemọ kẹrịwẹnịgha karịbụọbosẹ Ọkpọnanaowei a gbẹịn gọgọlọsiin mịnị.—Matthew 7:21-23; Titus 1:16.
Revelation fun mịẹdịa bara mị “kiriogbo bọọ a baadẹ otubosẹ .” Ọkpọnanaowei bịsẹ karịbụọbo kị kẹrị mịnị (Revelation 18:21, 24) Bịsẹ tuu nimi dọụmịnị aba, bei egberitịbị mị “What Is Babylon the Great?” goo.
Jesus mịẹ gaan amọ, bụrụ tiin nị bụrụ tịịnbẹịnyaịn paamọ mịnị yesẹ “pẹlẹ koromọ bá akị fẹnị a gbeintụạ.” mịnị bara kị bịsẹ seiyeama mịẹmịṇị karịbụọbosẹ Ọkpọnanaowei mụ gbein gọgọlọ mịnị (Matthew 7:15-20) “The End of False Religion Is Near!” egberitịbị goo da paa mọ ye nimi.
Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images
a The UCCRO, or Ukrainian Council of Churches and Religious Organizations, includes 15 churches representing Orthodox, Greek and Roman Catholic, Protestant, and Evangelical denominations as well as Jews and Muslims.
