IFIEBOSẸ LETIMI!
COVID 6 Million Otu Baadẹ—Bible Teekị Gbaa ma?
May23, 2022 erein mị World Health Organization (WHO), gbaabara mị, COVID-196.27 million otu baadẹ. Anịa, May5, 2022 news a paamọ ye gbaabara mị, WHO tọnbara mị fịịdẹ otubo biin bịsẹ bara dẹịn-emi e. WHO gbaabara bị, 2020 dụọmú 2021 ovuru mị, “COVID-19 dọọn anịakpọ COVID-19 dọọn gbelemọ yo duo fịịdẹ otubo ... Kọn gbaamaba14.9 million otu laa emi.” Bei pei-a-sei emi egberibo, Bible egberigbaa tụạyo emia?
Akpọyorọisẹ kịmịotu laamịnị kụrọdọọn-ama Bible mọ bụrụ koromọ dẹ
Jesus buru bara bị “fatu ereinbo”laa daba “akpọyọrọịsẹ kụrọdọọn-ama” paa mịnị—Luke 21:11, Contemporary English Version; 2Timothy 3:1.
Jesus buru koromọ egberi mị, tịẹkịrị mị paa kị paabẹịn mịnị. Mọkpọ zịnị egberiama emọ nimi dou wẹrị emisẹ, bei egberitịbị mị “What Is the Sign of ‘the Last Days,’ or ‘End Times’?“goo
Bible kụrọmọye akị wó pịrị mịnị
“kụrọmọye mọsẹ nana Okpọnanaowei mị ... Wó gho bụụndọọn mịnị yemọsẹ kọọ wó kụrọmọ mịnị.”—2 Corinthians 1:3,4.
Biin kịmịama nị, a nẹ tarịwẹrị emi kịmị fịịde yai, Bible a emi egberibo pirị kụrọmọdẹ. Mọkpọ mị egberitịbịbo “Coping With Grief—What You Can Do Today“ bá “The Best Help for Those Who Grieve.“ duo zịnị yeama tolumọ akị
Bible dọọn kọn seri-sịịn mịnị bara gbaa wẹrịemi
“Ị́ne daabụọ bo. Agọnọ tọlọmọ wẹrị emibara bi, akị kiriogbọ kpọ tọlọmọ.”—Matthew 6:10.
“Okpọnanaowei daabụọ mị” a laagha timi “kẹnị ụbo kpọ: ‘ịmịnị dọọn mịnị.’ Gbaagha fa” buru-egberi mịe paabẹịn mịnị (Mark 1:14,15; Isaiah 33:24) Okponanaowei Daabụọ mị Te Ye a? Vidio dii da agono daabụọ mo daabụọ mịẹmọ yebo mọ nimi.
Wó Ị́ tiin mịnị, mụkpọ Bible gbaa egberimọ tolumọ da Ị́mọ ị́ne wạrịbolou mọ kịlịkịlị tolumọ poun mọ bá kikoromọ wẹrị emi tamama yemọ duo arereama nana.