Iti agsapa ti Disiembre 18, adda uram iti siudad ti Manaus, Brazil, ket agarup 600 a balbalay ti nadadael. Uray no awan ti naireport a natay, 4 ti nadangran ken nasurok a 2,000 ti naawanan iti pagtaengan.

Inreport ti sangay iti Brazil nga awan ti kabsat a natay wenno nadangran gapu iti uram. Ngem 10 kadagiti kakabsattayo ti nadadael ti balayda, isu a naawanan iti pagtaengan ti 18 nga agibumbunannag ken dagiti saan a Saksi a kabagianda. Nangyurnos ti sangay iti Disaster Relief Committee a mangipaay kadagiti kasapulan dagiti naapektaran a kakabsat.

Agtalektayo a dagiti kakabsattayo a naapektaran iti uram iti Brazil ket agtultuloy nga agtalek ken Jehova, ti “natalged a pagkamangan kadagiti tiempo ti rigat.”—Salmo 9:9, 10.