Rinibu a tattao ti napilitan a nangpanaw iti balbalayda iti New Brunswick, Ontario, ken Quebec a probinsia ti Canada gapu iti layus. Iti laengen probinsia ti Quebec, agarup 9,000 a tattao ti naibakuit.

Inreport ti sangay ti Canada nga iti Quebec, nadadael ti balbalay ti 44 a kakabsattayo. Iti New Brunswick ken Ontario, awan ti naireport a nadadael ngem agtultuloy latta ti layus.

Dagiti manangaywan iti sirkito kadagiti naapektaran a lugar iti Quebec ket makitintinnulong kadagiti panglakayen iti dayta a lugar a mangliwliwa kadagiti kakabsat. Adda met pannakabagi ti sangay a simmarungkar kadagiti kakaruan ti pannakaapektarna a lugar tapno mangipaay iti naespirituan a tulong. Iti rehion ti Beauce, naileppasen dagiti kakabsat ti damo a panangdalus ken panangikkat iti pitak iti 20 a nalayus a balbalay dagiti kakabsattayo. Nabuangay ti maysa a Disaster Relief Committee iti Sainte-Marthe-sur-le-Lac tapno tumulong kadagiti nadadaelan iti balbalay.

Ikarkararagtayo a dagiti kakabsat a naapektaran iti nabiit pay a layus ket agtultuloy nga agtalek ken Jehova, ti ‘pigsa ken bilegda.’—Exodo 15:2.