HULIO 26, 2019
CANADA
Toronto, Canada—2019 “Ti Ayat Saan a Pulos Agpatingga”! nga Internasional a Kombension
Petsa: Hulio 19-21, 2019
Lokasion: Exhibition Place, Toronto, Ontario, Canada
Lengguahe ti Programa: English, Portuguese, Spanish
Kangatuan a Bilang ti Immatender: 46,183
Bilang ti Nabautisaran: 317
Bilang ti Delegado Manipud iti Agduduma a Pagilian: 5,000
Naawis a Sangay: Brazil, Britain, Central America, Finland, India, Japan, Korea, Pilipinas, Ukraine, United States
Kapadasan: “Amin nga imbaga ti komite ti kombension [dagiti Saksi ni Jehova] nga aramidenda iti venue—ti kalidad ti serbisio nga ipaayda iti venue—ket talaga a tinungpalda,” kuna ni Laura Purdy, ti general manager ti sales ken events iti Exhibition Place. “Nag-research-kami ken nagdamagkami iti dadduma a venue nga inusarda a pagkombensionan, ket imbagada a napadasanda met ti mapadpadasanmi ita.” Imbaga pay ni Ms. Purdy: “Mannakigayyem ken nasisingpetda. Irekomendak iti dadduma pay a venue nga awatenda dagiti Saksi ni Jehova no agkombensionda iti lugarda.”
Dagiti kakabsat a mangsabsabat kadagiti delegado iti airport iti Toronto
Dagiti delegado ken kakabsat a mangtagtagiragsak iti ministerio
Dagiti Bethelite nga agtoktokar para kadagiti delegado bayat ti panagpasiarda iti sangay iti Canada
Ni Brother Geoffrey Jackson, a miembro ti Bagi a Manarawidwid, a mangiparparang iti maudi a palawag iti Biernes
Maysa kadagiti 317 a kabbaro a kakabsat a nagpabautisar iti Sabado
Kakabsat nga aginotnotar bayat ti programa
Dagiti misionero ken dadduma nga agserserbi iti espesial nga amin-tiempo a magmagna iti sango ti auditorium bayat a palpalakpakan ida dagiti kakabsat gapu iti nasayaat nga aramidda
Lima a sister a mangyak-akto iti radio broadcast idi 1920s iti estasion ti radio a CKCX, nga adda idi iti Toronto, Canada. Idi 1926, dagiti Estudiante ti Biblia (dati nga awag kadagiti Saksi ni Jehova) ket addaan iti bukod nga estasion ti radio iti uppat a siudad iti Canada; nakapatpateg daytoy a paset ti teokratiko a pakasaritaan ti Canada
Maysa a kabsat a mangidadaulo iti grupo dagiti agtutubo nga agkankanta bayat ti maysa nga espesial a programa para kadagiti delegado
Baka Kayatmo Met ti
MAIPAPAN KADAKAMI
Atenderam ti 2024 a Kombension—“Ipakaammo ti Naimbag a Damag!”
Naimpusuan nga awisendaka nga umatender iti tallo nga aldaw a kombension nga insagana dagiti Saksi ni Jehova ita a tawen.
