Nasurok a 130 a pamilia dagiti Saksi ni Jehova ti saan a nakaawid kalpasan nga immatenderda iti tinawen a kombensionda idi Hulio 7-9, 2017, gapu iti nagramaram a puor iti makin-abagatan a paset ti Prince George, British Columbia. Imbilin dagiti autoridad nga agbakuit dagiti naapektaran.

Nangbukel ti sanga nga opisina dagiti Saksi ni Jehova idiay Canada, nga adda iti probinsia ti Ontario, iti disaster relief committee tapno mangibangon kadagiti balay ken mangted iti makan para kadagiti naapektaran a Saksi. Impalubos dagiti opisial ti CN Centre, a nakaangayan ti kombension nga inatenderan ti agarup 2,500 a Saksi, nga iparadada pay laeng dagiti mobile trailer-da sadiay kas temporario a pagyananda.

Ti Bagi a Manarawidwid dagiti Saksi ni Jehova, nga adda iti sangalubongan a hedkuarterda, ti mangor-organisar iti panangtulong kadagiti naapektaran iti didigra, nga usarenda ti pondo a naidonar para iti sangalubongan a trabaho dagiti Saksi.

Media Contacts:

International: David A. Semonian, Office of Public Information, +1-845-524-3000

Canada: Matthieu Rozon, +1-905-873-4100