Manipud Hunio 22 agingga iti 25, 2023, nalayus ti makin-abagatan ken makintengnga a Chile iti kangato a nasurok a 58 sentimetro (23 in.) gapu kadagiti napigsa a bagyo. Agarup 20,000 a tattao ti naapektaran iti layus. Nasurok a 5,000 a balay ti nadadael kadagiti apektado a lugar. Rinibu ti naibakuit. Dua ti nakompirma a natay, ken dua pay ti naireport a mapukpukaw.

• Awan ti kakabsat a nadangran wenno natay

• 212 a kakabsat ti nagbakuit

• 13 a balay ti nakaro ti pannakadadaelna

• 38 a balay ti saan unay a nadadael

• Awan ti nadadael a Kingdom Hall wenno teokratiko a pasilidad

• Ginasut a boluntario ti tumultulong a mangdalus ken mangtarimaan kadagiti nadadael a balay

• Mangipapaay dagiti manangaywan iti sirkito ken lokal a panglakayen iti naespirituan ken praktikal a tulong kadagidiay naapektaran iti didigra

• 2 a Disaster Relief Committee ti naapointaran a mangidaulo iti panangsaranay

Ikarkararagtayo nga itultuloy nga ipaay ni Jehova ti liwliwa ken bileg kadagiti kakabsattayo idiay Chile bayat a sangsanguenda daytoy a didigra.—2 Tesalonica 2:16, 17.