Idi Enero 27, 2019, adda allawig a nangdidigra iti Havana, a kabesera ti Cuba. Daytoy ti kapigsaan a bagyo a nangdalapus iti isla iti uneg ti dandani 80 a tawen. Ti kapigsa ti anginna ket 322 a kilometro kada oras (200 mph). Sangapulo ket maysa a kilometro (7-mi) ti kalawa ti dalan ti bagyo a nangdadael kadagiti pasdek ken nangpataud iti layus. Di kumurang nga 4 ti natay ken 195 ti nadangran.

Awan ti kakabsat a nadangran wenno natay gapu iti bagyo. Nupay kasta, nadadael ti 26 a balay dagiti kakabsat. Ti 3 kadagita ket maus-usar a paggigimongan. Tumultulong itan ti organisasion a mangtarimaan kadagiti balay dagiti kakabsat.

Parparegtaen dagiti agdaldaliasat a manangaywan dagiti kapammatiantayo a naapektaran iti bagyo. Ikarkararagtayo nga ipaayan ni Jehova dagiti kakabsattayo iti talna ti panunot bayat a lumunglung-awda iti daytoy a didigra.—Numeros 6:26.