Fiji

• Idi Huebes, Disiembre 17, 2020, simrek ti bagyo a Yasa idiay Vanua Levu, ti maikadua a kadakkelan nga isla ti Fiji

• Ti Yasa ti maikadua a kapigsaan a bagyo a nangdidigra iti Fiji. Sigun iti report, ti kapigsa ti angin ket immabut iti 260 km/hr (161 mph)

• Di kumurang a 30 a kongregasion ken naiputputong a grupo ti adda kadagiti naapektaran a lugar

• Awan ti nadangran a kakabsat

• Sigun kadagiti immuna a report, 20 a pamilia ti pimmanaw pay laeng kadagiti pagtaenganda

• Dinadael ti bagyo ti nakaad-adu a mula, ti kangrunaan a pagtataudan ti taraon ti 430 nga agibumbunannag iti dayta a lugar

• 10 a balay ti naan-anay a nadadael

• 25 a balay ti nadadael

• 1 a Kingdom Hall ti saan unay a nadadael

• Nangapointar ti sangay ti Fiji iti tallo a Disaster Relief Committee (DRC). Timmulong dagiti DRC a nangipaay kadagiti kangrunaan a kasapulan dagiti naapektaran a kakabsat, kas iti danum a mainum, bado, taraon, ken tarpaulin. Timmulong met ti DRC kadagiti kakabsat nga agbirok kadagiti natalged ken temporario a pagnaedanda

• Dagiti pannakabagi iti sangay ti Fiji ken dagiti manangaywan iti sirkito iti dayta a lugar binisitada dagiti naapektaran a kakabsat tapno paregtaenda ida

• Amin a timmulong a nangted iti ayuda ken nangpabileg kadagiti kakabsat ket nagtulnog kadagiti safety protocol mainaig iti COVID-19

Uray no adu ti nadadael a sanikua dagiti kakabsattayo gapu iti napigsa a bagyo, mapadpadasanda ti kuna ti Salmo 46:1: ‘Ti Dios ti kamangtayo.’