Kas naipadamag idi Marso 9, 2023, maysa a lalaki ti immatake iti Hamburg-Winterhude a kongregasion kalpasan ti gimong iti tengnga ti lawas. Dadduma a kakabsattayo ti natay ken nasugatan ket simmardeng laeng ti panagpaltopaltog idi simrek dagiti polis iti Kingdom Hall. Idi kuan, nagpakamatayen ti immatake. Ap-apresiaren dagiti Saksi ni Jehova iti Germany ken iti intero a lubong ti kinaimbag, ayat, ken simpatia manipud kadagiti opisial, organisasion, ken indibidual iti intero a lubong.

• Makapaladingit ta natay ti 4 a brother, 2 a sister, ken ti sikog ti maysa a nasugatan a sister

• 2 a brother ken 7 a sister ti nasugatan

• Dagiti pannakabagi ti sangay ti Central Europe, dua a manangaywan iti sirkito, ken dagiti lokal a panglakayen ti mangipapaay iti liwliwa ken suporta

Kas nagkaykaysa nga agkakabsat, ikararagantayo ti amin nga apektado iti daytoy a trahedia. Ni Jehova “ti pagkamangan iti aldaw ti rigat,” ket tulongannatayo nga agibtur kadagiti narigat a tiempo bayat nga itultuloytayo ti natalna a panagdaydayawtayo.—Nahum 1:7.