Tumultulong dagiti Saksi ni Jehova kadagiti biktima ti magnitude 6.9 a ginggined iti makinlaud a paset ti Guatemala iti asideg ti beddeng ti Mexico a napasamak idi Mierkoles, Hunio 14, 2017. Sigun kadagiti kaudian a report ti media, saan a bumaba iti lima ti bilang ti natay gapu iti dayta a napigsa a ginggined. Nagresulta pay dayta iti sumagmamano a landslide.

Awan ti naireport a natay wenno nadangran a Saksi ni Jehova nga aggigian kadagiti naapektaran a lugar. Ngem nadadael ti 11 a lugar a pagdaydayawan ken 17 a balay dagiti Saksi. Nangorganisar ti sanga nga opisina dagiti Saksi ni Jehova iti Central America, nga adda idiay Mexico City, iti tallo a disaster relief committee idiay Guatemala tapno kitaenda no kasano kakaro ti epekto ti kalamidad ken tapno mapapartak ti pannakaiwaras dagiti relief goods kadagiti biktima.

Ti Bagi a Manarawidwid dagiti Saksi ni Jehova, nga adda iti sangalubongan a hedkuarterda, ti mangor-organisar iti panangtulong kadagiti naapektaran iti didigra, nga usarenda ti pondo a naidonar para iti sangalubongan a trabaho dagiti Saksi.

Media Contacts:

International: David A. Semonian, Office of Public Information, +1-845-524-3000

Mexico: Gamaliel Camarillo, +52-555-133-3048

Guatemala: Juan Carlos Rodas, +502-5967-6015