Sipud idi Oktubre 7, 2023, adda nakaro a kinaranggas ken panaglalaban iti Israel ken Gaza. Ginasut a ribu a tattao ti napilitan nga agbakuit. Ipakita dagiti report nga agarup 4,200 a tattao ti natayen.

• Awan ti natay wenno nadangran kadagiti kakabsattayo

• 93 nga agibumbunannag ti nangpanaw iti balayda

• 3 a balay ti saan unay a nadadael

• Awan ti Kingdom Hall a nadadael

• Mangipapaay dagiti manangaywan iti sirkito ken panglakayen iti naespirituan ken praktikal a tulong kadagiti naapektaran iti panaglalaban

• Naapointaran ti maysa a Disaster Relief Committee a mangidaulo iti trabaho a panangsaranay

Ikagkagumaan dagiti kakabsat kadagiti naapektaran a lugar nga itultuloy ti panaggigimongda babaen iti videoconference. Imbaga ti maysa a manangaywan iti sirkito: “Uray no narigat a maammuan no ania ti mapasamak iti sumaruno nga aldaw, makaparegta a makita ti naisangsangayan a pammati ken managsakripisio nga ayat dagiti kakabsattayo iti maysa ken maysa.”

Padpadaanantayo ti kaitungpalan ti kari ti Biblia nga asidegen nga ‘agsardeng dagiti gubat iti intero a daga.’—Salmo 46:9.