Idi Hulio 22 agingga iti 26, 2023, adda dua a didigra gapu iti dakes a paniempo a napasamak iti Italy. Iti amianan nga Italy, immabut iti nasurok a 120 a kilometro kada oras (75 mph) ti kapigsa ti angin, ken adda met makadadael nga uraro nga agarup 19 a sentimetro (7 in.) ti diametrona. Kagiddan dayta ti nasurok a 330 nga uram a nangdadael iti dakkel a paset ti isla ti Sicily. Ti nakapudpudot a temperatura a 47 degrees Celcius (117°F) ti makagapu a nagbiit a nagwaras ti uram. Kas resultana, adu ti pasdek a nauram ken ginasut a tattao ti naawanan iti koriente. Sumagmamano a ribu ti nagbakuit. Lima a tattao ti natay.

Uraro ken Angin iti Amianan nga Italy

• Awan ti kakabsat a natay

• 2 a kabsat ti nadangran

• 36 a balay ti nakaro ti pannakadadaelna

• 242 a balay ti saan unay a nadadael

• 1 a Kingdom Hall ti nakaro ti pannakadadaelna

• 12 a Kingdom Hall ti saan unay a nadadael

Uram iti Isla ti Sicily

• Makapaladingit ta adda agassawa a natay idi nauram ti balayda

• 48 a kakabsat ti nagbakuit

• Awan ti Kingdom Hall wenno teokratiko a pasilidad a nadadael

• Mangipapaay dagiti manangaywan iti sirkito ken lokal a panglakayen iti naespirituan ken praktikal a tulong kadagidiay naapektaran iti uram iti Sicily ken iti uraro iti amianan nga Italy

• 1 a Disaster Relief Committee ti naapointaran a mangidaulo iti panangsaranay iti Sicily

Maladingitantayo iti ipapatay ti agassawa a kakabsattayo iti Sicily ken ikarkararagantayo ti amin a naapektaran kadagitoy a didigra. Padpadaanantayo ti aldaw nga ikkatenton ni Jehova ti amin a kita ti pakarigatan.—Apocalipsis 21:4.