Idi Enero 1, 2024, dinayyeg ti magnitude 7.6 a ginggined ti Noto Peninsula iti Ishikawa Prefecture nga adda iti makintengnga a paset ti Japan. Gapu iti dayta ken dagiti simmaruno nga aftershock, adu a balbalay ken kalsada ti nadadael. Nasurok a 33,000 a tattao ti nagbakuit. Agarup 400 a tattao ti nadangran, ken 78 ti natay.

• Awan ti natay kadagiti kakabsat

• 1 a brother ti nasugatan ngem saan a nakaro

• Nasurok a 150 a kakabsat ti napagbakuit

• 2 a balay ti interamente a nadadael

• 7 a balay ti nakaro ti pannakadadaelna

• Nasurok a 100 a balay ti saan unay a nadadael

• 1 a Kingdom Hall ti nakaro ti pannakadadaelna

• 8 a Kingdom Hall ti saan unay a nadadael

• Naapointaran ti maysa a Disaster Relief Committee a mangidaulo iti trabaho a panangsaranay

• Adda dagiti kakabsat iti sangay ti Japan a naibaon kadagiti lugar nga apektado tapno paregtaenda dagiti kakabsat. Mangipapaay met dagiti manangaywan iti sirkito ken dagiti lokal a panglakayen iti naespirituan ken praktikal a kasapulan dagiti kakabsat a naapektaran

Masiguradotayo a ni Jehova ti agbalin a ‘natalged a pagkamangan’ dagiti kakabsat idiay Japan, ken mangipaay iti liwliwa ken pigsa a kasapulanda unay bayat daytoy a nakarigrigat a tiempo.—Salmo 18:2.