Idi Martes, Septiembre 4, 2018, sinagaba ti makinlaud a Japan ti epekto ti maibilang a kapigsaan pay laeng a bagyo a dimmalapus iti pagilian iti uneg ti nasurok a dua a dekada. Imbilin ti autoridad nga agkamang dagiti tattao iti natalged a lugar, ket kas iti ninamnama, adu ti dinadael ti nakapigpigsa a bagyo.

Impadamag ti sangay iti Japan nga awan ti natay a Saksi ni Jehova. Ngem di kumurang a 15 a kakabsat ti nadangran, ken 538 a balay ti nadadael. Naipadamag met nga 44 a Kingdom Hall ti nadadael.

Agtintinnulong ti Disaster Relief Committee iti Osaka ken Sakai a mangasikaso iti trabaho a panagsaranay, a pakairamanan ti panangtarimaan kadagiti nadadael a balay, kasta met ti kapatgan a trabaho a panagipastor.

Agyamantayo ta ammo ni Jehova dagiti pakarigatan dagiti kapammatiantayo ken tultulonganna ida babaen kadagiti kakabsat.—Salmo 34:19.