Idi Septiembre 6, 2018, dinayyeg ti magnitude 6.7 a ginggined ti Hokkaido, a makin-amianan nga isla ti Japan. Gapu iti dayta, 41 ti natay ken adu ti naawanan iti koriente isu a limitado ti pangpubliko a transportasion ken narigat ti komunikasion.

Impadamag ti sanga nga opisina iti Japan nga awan ti natay a kabsat ngem adda pito a nadangran iti ginggined. Nadadael ti 100 a pagtaengan dagiti Saksi ken 4 a Kingdom Hall.

Babaen ti panangiwanwan ti sanga nga opisina, nangipaay dagiti agibumbunannag iti taraon, danum, ken dadduma pay a kasapulan dagiti kakabsat a naapektaran kalpasan unay ti ginggined. Nabukel ti Disaster Relief Committee a mangorganisar iti panangsaranay.

Ikararagtayo nga itultuloy nga ipaayan ni Jehova iti talna ti panunot ken puso dagiti kakabsattayo a naapektaran iti daytoy a ginggined.—Filipos 4:6, 7.