Kalpasan a dinalapus ti bagyo a Nanmadol ti makin-abagatan a paset ti Japan, nagtudtudo iti napigsa idiay Kyushu, ti maikatlo a kadakkelan nga isla iti pagilian, idi Mierkoles, Hulio 5, 2017, a nagresulta kadagiti layus ken mudslide. Gapu iti dayta, imbilin dagiti opisial a pumanaw ti nasurok nga 430,000 a tattao nga aggigian kadagiti naapektaran a lugar. Nasurok a 50 a sentimetro a tudo ti nairekord iti uneg ti 12 nga oras. Sigun kadagiti nabiit pay a report, 34 ti natay iti layus. Maysa kadagiti kakaruan a naapektaran a lugar ti Fukuoka prefecture, nga adda iti makin-amianan a paset ti Kyushu.

Awan ti natay wenno nakaro a nadangran a Saksi ni Jehova, ngem naperdi ti balay ti dadduma kadakuada gapu iti layus. Tultulongan dagiti kongregasion dagiti Saksi ni Jehova sadiay dagiti kapammatianda ken ipapaayanda ida kadagiti kasapulanda.

Media Contacts:

International: David A. Semonian, Office of Public Information, +1-845-524-3000

Japan: Ichiki Matsunaga, +81-46-233-0005