Idi Enero 15, 2019, naraut ti maysa a hotel ken opisina iti Nairobi, Kenya a nakatayan ti di kumurang a 21 a tattao.

Inreport ti sangay iti Kenya nga awan ti kakabsat a natay wenno nadangran iti dayta a panangraut, nga agarup pito a kilometro (uppat a milia) ti kaadayona iti sanga nga opisina. Nasurok a sangapulo a kakabsat ti agtrabtrabaho iti Dusit complex, ti lugar a nakapasamakan ti iraraut. Idi napasamak ti panangraut, pito kadakuada ti awan iti pagtrabahuanda ken sitatalged a naipanaw ti dadduma. Karaman kadagiti naipanaw ket ti maysa a kabsat a lalaki ken maysa a kabsat a babai a naglemlemmeng iti 12 nga oras bayat ti panangraut.

Mangipapaay dagiti panglakayen, kasta met dagiti manangaywan iti sirkito, iti naespirituan a pammaregta kadagiti naapektaran a kakabsat iti daytoy a trahedia. Ikarkararagtayo nga agtultuloy a liwliwaen ni Jehova dagiti kakabsattayo iti daytoy narigat a tiempo.—2 Corinto 1:3, 4.