Idi Oktubre 23, ti Mexico ket dinalapus ti dua a natural a didigra, ti Bagyo a Vicente ken Willa. Gapu iti Bagyo a Vicente, naglayus iti danum ken pitak iti makin-abagatan a Mexico a nakatayan ti 11 a tattao. Timmama met ti Bagyo a Willa kadagiti lugar nga asideg iti baybay ti Pasipiko iti dayta a pagilian ket nangyeg iti napigsa a tudo ken angin a 193 a kilometro kada oras ti kapartakna. Gapu iti dayta, kapilitan a nagbakuit ti 4,250 a tattao kadagita a lugar.

Inreport ti sangay iti Central America, a mangor-organisar iti trabaho iti Mexico, nga awan ti natay wenno nasugatan a kakabsat. Ngem iti estado ti Nayarit, 118 a kakabsat ti naibakuit ken naipan iti nangatngato a lugar. Idiay Sinaloa, nalayus ti maysa a Kingdom Hall ken dagiti balay ti sumagmamano a kakabsat. Idiay Michoacán, nalayus met ti balay ti lima a pamilia dagiti Saksi. Dinalusan ken tinarimaanen dagiti kakabsat kadagita a lugar dagiti nalayus a balay ken Kingdom Hall.

Ikarkararagtayo nga agtultuloy koma nga agibtur dagiti kakabsattayo idiay Mexico a naapektaran kadagita a bagyo ken laglagipenda ti namnamatayo iti masanguanan nga awanton dagiti didigra.​—2 Corinto 6:4.