Idi Enero 12, 2020, ti Bulkan Taal iti Batangas, Pilipinas, ket nangipugso iti dapo nga immabut iti 14 a kilometro (9 milia) iti tangatang. Pinakdaaran dagiti autoridad dagiti agnanaed iti asideg ti bulkan gapu ta posible a bumtak dayta. Imbilinda nga agbakuit ti pinullo a ribu nga agnanaed iti asideg ti bulkan, a maysa kadagiti kaaktibuan a bulkan iti pagilian.

Iti agdama, nasurok a 500 a kakabsat ti naibakuit kadagiti natalged a lugar kas kadagiti Kingdom Hall ken balbalay ti dadduma a Saksi. Awan kadagiti kakabsattayo ti nadangran. Ti Komite ti Sangay ket nangbuangay iti maysa a Disaster Relief Committee a tumulong kadagiti nagbakuit a kakabsat.

Ikarkararagtayo nga itultuloy koma dagiti kakabsattayo iti Pilipinas ti agtalek ken Jehova, “ti kamang ken pigsatayo.”—Salmo 46:1-3.