Nag-landfall ti Bagyo a Rai (pagaammo kas Odette) iti adu a paset ti Pilipinas manipud Disiembre 16 agingga iti 18, 2021. Ti kapigsa ti anginna idi damo a nag-landfall iti isla ti Siargao iti Pilipinas ket 195 a kilometro kada oras (121 mph). Adu ti dinadaelna kadagiti probinsia ti Makin-amianan a Mindanao, Makin-abagatan a Luzon, ken Visayas.

• Makapaladingit ta 4 a kakabsat ti natay

• 1 a kabsat ti saan pay a nabirokan

• 12 a kakabsat ti nadangran

• Nasurok a 2,000 a kakabsat ti nagbakuit

• 246 a balay ti interamente a nadadael

• 327 a balay ti nakaro ti dadaelna

• 1,174 a balay ti saan unay a nadadael

• 43 a Kingdom Hall ti saan unay a nadadael

• 6 a Disaster Relief Committee ti naapointaran a mangidaulo iti panangsaranay

• Madama a parparegtaen ken liwliwaen dagiti panglakayen kadagita a lugar dagiti naapektaran a kakabsat, agraman dagiti natayan

• Sursuroten ti amin a timmulong dagiti safety protocol para iti COVID-19

Iti panangiwanwan dagiti panglakayen, dagiti kakabsat kadagiti lugar a saan a naapektaran iti bagyo ket nagdonar kadagiti makan ken bado kadagiti kakabsat a nabagyo. Dagus a naiwaras dagiti makan manipud Davao City kadagiti agkasapulan a pamilia idiay Surigao City.

Maladingitantayo a makadamag nga adda dagiti natay nga ay-ayatentayo a kakabsat gapu iti bagyo. Bayat nga ib-ibturantayo “dagiti delikado ken narigat a tiempo,” itultuloytayo ti agtalek a liwliwaen ken pabilgennatayo ni Jehova.—2 Timoteo 3:1.