Luzon

• Idi Nobiembre 11, 2020, dinalapus ti bagyo a Vamco (Ulysses iti Pilipinas) ti Patnanungan iti probinsia ti Quezon ken adu a lugar iti Luzon ti dinadaelna

• Ti bagyo a Vamco ti maika-21 a bagyo a nangdidigra iti Pilipinas iti daytoy a tawen a nakaigapuan dagiti nakaro a layus

• Simrek iti Pilipinas ti bagyo awan pay dua a lawas kalpasan ti napigsa a bagyo a Goni, a naibilang a maysa kadagiti kapipigsaan a bagyo a dimmalapus iti Pilipinas sipud idi 2013, a nangdadael kadagiti adu a lugar iti Luzon

• Gapu kadagiti napigsa a tudo kadagiti nagsasaruno bagyo, immabut iti kritikal a lebel ti danum kadagiti kangrunaan a dam. Gapuna, inkeddeng dagiti autoridad a maibulos dagiti danum kadagiti dam isu a nalayus ti adu a lugar a saan a direkta a dinalanan ti bagyo a Vamco

• Nasurok nga 600 a pamilia ti nagbakuit gapu iti layus. Ti dadduma ket immuli kadagiti atepda tapno saanda a malmes bayat nga ur-urayenda nga adda mangalaw kadakuada

• Nasugatan ti maysa a kabsat lalaki gapu iti nabuong a sarming a timmama iti rupana. Agpapaimbagen

Sigun iti umuna a report:

• Di kumurang nga 6 a Kingdom Hall ken 1 a remote translation office ti nalayus

• Di kumurang a 20 a pagtaengan ti nadadael

• 1 a pagtaengan ti naan-anay a nadadael

• Nagtitinnulong dagiti manangaywan iti sirkito ken dagiti lokal a panglakayen tapno maikkan iti taraon, danum, ken pagdagusan dagiti kakabsat a pimmanaw kadagiti pagtaenganda

• Adda dagiti pamilia a nagsublin kadagiti pagtaenganda tapno rugiandan ti agdalus

• 3 a baro a Disaster Relief Committee ti mangidadaulo iti panangipaay kadagiti ayuda

• Sigsiguraduen dagiti kakabsat a mangipapaay iti ayuda a masursurotda dagiti pagalagadan iti kinatalged kontra iti COVID-19

Ammotayo a tulongan ni Jehova dagiti kakabsattayo bayat daytoy a narigat a tiempo. Padpadaanantayo ti tiempo inton ti amin nga agserserbi ken Jehova ket agbiag a natalna ken natalged, ken awanen ti pagbutnganda a didigra.—Salmo 4:8.