Idi Agosto 28, 2019, immapaw ti Talomo River iti Davao City gapu iti napipigsa a tudo. Sigun iti gobierno, 545 a pamilia ti kapilitan a nagbakuit gapu iti layus.

Impadamag ti sangay iti Pilipinas a 120 nga agibumbunannag iti lima a kongregasion ti naapektaran. Adu kadakuada ti nagkamang iti Kingdom Hall iti lugarda. Tallo a balay ti kakabsat ti narba gapu iti layus ken uppat met ti naperdi.

Nangorganisar ti sangay iti Disaster Relief Committee (DRC) a tumulong kadagiti kakabsat a naapektaran. Inyurnosen ti DRC ti pannakaiwaras dagiti suplay ken ti pannakadalus dagiti nalayus a balbalay.

Ikarkararagtayo a ti nainkabsatan nga ayat nga aglaplapusanan latta uray kadagiti tiempo ti didigra ti agtultuloy a mangliwliwa kadagiti kakabsattayo iti Davao City.—Roma 12:10.