Idi Nobiembre 17, 2023, nagginggined iti baybay iti makin-abagatan a paset ti Pilipinas. Napasamak ti magnitude 6.7 a ginggined iti agarup 26 a kilometro (16 mi) iti abagatan ti isla ti Mindanao. Adu a pasdek ti nadadael a pakairamanan dagiti pasilidad ti gobierno, eskuelaan, ken shopping mall iti Davao, General Santos City, ken iti probinsia ti Sarangani. Adu met a balay ti nadadael.

• Makapaladingit ta maysa a sister ti natay

• 10 a kakabsat ti nadangran. Karaman kadakuada ti asawa ti maysa a manangaywan iti sirkito a nayospital ngem nasayaaten ti kasasaadna

• 4 a balay ti nakaro ti pannakadadaelna

• 4 a balay ti saan unay a nadadael

• 2 a Kingdom Hall ti saan unay a nadadael

• Maysa a Disaster Relief Committee ti naapointaran a mangasikaso iti panangsaranay

• Agtultuloy nga iyur-urnos dagiti manangaywan iti sirkito ken dagiti panglakayen ti panang-shepherding kadagiti kakabsat a naapektaran iti ginggined

Ikarkararagantayo dagiti kakabsat a naapektaran iti daytoy a ginggined ken agyamantayo kadagiti tumultulong kadakuada. Nupay agbibiagtayo kadagitoy delikado ken makapadanag a tiempo, agtalektayo a ni Jehova, ti Dakkel a Bato, ipaayannatayo iti bileg tapno makapagibturtayo.—1 Samuel 2:2.