AGOSTO 5, 2024
PILIPINAS
Linayus ti Bagyo a Carina ti Adu a Paset ti Pilipinas
Sakbay nga agngudo ti Hulio 2024, nabukel ti Bagyo a Carina a iti makinlaud a paset ti Pacific Ocean. Nupay saan a nag-landfall ti bagyo iti Pilipinas, pinakarona ti angin nga abagat ket nagtudo iti napigsa. Isu a naglayus, nag-landslide, ken adu ti nadadael iti siudad ti Manila ken iti aglawlawna. Agarup 4.8 a milion a tattao ti naapektaran. Nasurok a 600,000 ti nangpanaw iti balayda, ken saan a bumaba iti 39 ti natay.
Epektona Kadagiti Kakabsat
Awan ti kabsat a natay wenno nadangran
155 a kakabsat ti nangpanaw iti balayda, ngem adu ti nakapagsublin
2 a balay ti interamente a nadadael
11 a balay ti nakaro ti dadaelna
42 a balay ti saan unay a nadadael
11 a Kingdom Hall ti saan unay a nadadael
Naited a Tulong
6 a Disaster Relief Committee ti naapointaran a mangorganisar iti panangsaranay
Mangipapaay dagiti manangaywan iti sirkito ken papanglakayen iti naespirituan ken praktikal a tulong kadagiti nalayus
Kannigid: Kakabsat a mangisagsagana kadagiti ayuda (ngato) ken mainum a danum (baba) para kadagiti agkasapulan
Kannawan: Brother a nangideliber iti ayuda iti maysa a sister a nalayus
Itultuloytayo nga ikararagan ti amin a naapektaran iti bagyo. Agyamyamantayo ken Jehova, ti “natalged” a pagkamangan kadagitoy a tiempo, ta tultulongan ken ay-aywananna dagiti kakabsattayo.—Isaias 33:6.
a Ti internasional a nagan daytoy a bagyo ket Gaemi.
Kitaem Met
MASANSAN A MAISALSALUDSOD
Tumultulong Kadi Dagiti Saksi ni Jehova iti Panagsaranay?
Ammuem no kasanomi nga ipapaay ti praktikal a tulong kadagiti nadidigra a kapammatianmi ken saan.