Dinayyeg ti agsasaruno a napigsa a ginggined ti makin-abagatan a Pilipinas manipud idi Oktubre 16, 2019. Natay ti 21 a tattao, nasurok a 400 ti nadangran, ken nasurok a 35,000 ti nangpanaw kadagiti balayda. Tallo kadagitoy a ginggined ti naireport a nasurok a magnitude 6.0. Agtultuloy dagiti aftershock. Awan ti natay kadagiti kakabsattayo ngem medio nadangran ti maysa a sister.

Nakaro ti pannakadadael ti 4 a Kingdom Hall ken 195 a balay dagiti kakabsattayo; 9 a Kingdom Hall ken 351 a balay ti medio nadadael. Agyan ti adu a kakabsat kadagiti tolda gapu ta saan a natalged iti uneg dagiti balayda.

Dua a Disaster Relief Committee ti binukel ti sanga nga opisina para iti panangsaranay. Innem a pannakabagi ti sangay, agraman tallo a miembro ti Komite ti Sangay ti bimmisita kadagiti naapektaran a lugar tapno mangipaay iti liwliwa ken pammaregta manipud iti Biblia.

Ikararagtayo nga itultuloy ni Jehova a tulongan dagiti kakabsattayo a naapektaran kadagitoy a ginggined.—Salmo 70:5.