ENERO 22, 2019
PILIPINAS
Makindaya a Pilipinas—Dinidigra ti Bagyo, Panagreggaay ti Daga, ken Layus
Idi Disiembre 29, 2018, dinalapus ti Bagyo nga Usman ti Samar, ti maikatlo a kadakkelan nga isla iti Pilipinas. Nangyeg ti bagyo iti napigsa a tudo isu a nagreggaay ti daga ken naglayus. Di kumurang a 25 ti natay, ken 42 ti nadangran. Agdagup iti 22,835 a balay ti nadadael.
Inreport ti sangay iti Pilipinas nga awan ti kakabsat a natay gapu iti bagyo. Ngem tallo a kakabsat ti nadadael ti balayna, ken uppat ti saan a nakaro ti dadaelna. Nadadael met ti maysa a Kingdom Hall. Nangyurnos ti sangay iti maysa a Disaster Relief Committee a mangipaay kadagiti saranay ken temporario a pagtaengan dagiti naapektaran a pamilia.
Namnamaentayo a dagiti kakabsattayo a naapektaran iti daytoy a bagyo ket agtultuloy nga agtalek ken Jehova, ta ammoda a patibkeren ken papigsaenna ida.—1 Pedro 5:10.