Idi Marso 2019, nauram ti 128 a balbalay idiay Calbayog City, Samar Island iti Pilipinas. Ngem sakbay dayta a bulan, adda napasamak nga uram idiay Taguig City iti isla ti Luzon. Gapu kadagita, nauram ti pito a balbalay dagiti Saksi ni Jehova. Madama a makidagdagus dagiti nauraman a kakabsattayo iti dadduma a kakabsat a saan a naan-ano ti balayda.

Dagus a nagresponde ti sanga nga opisina babaen ti panangsuplayda kadagiti taraon, danum, ken kawes. Dagiti panglakayen kadagita a lugar liniwliwa ken inikkanda iti praktikal a tulong dagiti naapektaran a kakabsattayo. Dua a Disaster Relief Committee, babaen ti tulong dagiti agserserbi iti Local Design/Construction, ti agsagsaganan a mangibangon manen iti balbalay dagiti kapammatiantayo.

Agtalektayo a ni Jehova ti agtultuloy a pagkamangan dagiti kakabsattayo a naapektaran kadagita nga uram.—Salmo 62:8.