Idi Agosto 5, 2017, adda nagramaram nga uram iti Agdao, Davao City, nga adda iti igid ti baybay ti isla ti Mindanao iti makin-abagatan a paset ti Pilipinas.

Awan ti nadangran wenno natay a Saksi ni Jehova, ngem nakaro a nadadael ti balay ti 13 a pamilia, ket 29 nga indibidual ti naapektaran. Dagiti biktima a naawanan iti pagyanan ket pinadagus dagiti padada a Saksi. Nangbukel ti sanga nga opisina dagiti Saksi ni Jehova iti Manila iti disaster relief committee a mangasikaso iti pannakaiwaras dagiti relief goods.

Ti Bagi a Manarawidwid dagiti Saksi ni Jehova, nga adda iti sangalubongan a hedkuarterda, ti mangor-organisar iti panangtulong kadagiti naapektaran iti didigra, nga usarenda ti pondo a naidonar para iti sangalubongan a trabaho dagiti Saksi.

Media Contacts:

International: David A. Semonian, Office of Public Information, +1-845-524-3000

Philippines: Dean Jacek, +63-2-224-4444