Ti bagyo a Yutu, a dimmalapus iti Northern Mariana Islands kas napigsa a bagyo idi Oktubre 24, ket nag-landfall iti Luzon, a kadakkelan nga isla ti Pilipinas, idi Martes, Oktubre 30. Ti napigsa a bagyo ket nangyeg iti layus ken makapapatay a landslide. Rinibu a tattao ti naipan kadagiti natalged a lugar, ken 11 ti natay.

Inreport ti sangay iti Pilipinas nga awan ti natay wenno nadangran a kabsat gapu iti bagyo. Ngem 73 a pagtaengan dagiti kakabsattayo ken 6 a Kingdom Hall ti nadadael. As-asikasuen ti sangay iti Pilipinas ti trabaho a panagsaranay.

Itultuloytayo nga ikarkararagan dagiti kakabsattayo iti Pilipinas, a dinalapus ti 18 a bagyo ita a tawen. Kas kadakuada, agtalektayo ken Jehova ta ammotayo a tulongannatayo.​—Salmo 55:22.