Idi Marso 1, 2019, binaliktad ti Korte Suprema ti Republic of Kabardino-Balkaria ti sentensia nga impaulog ti nababbaba a korte ken ni Brother Arkadya Akopyan. Nasurok a makatawenen a mabisbista gapu ta agiwarwaras kano iti “extremist” a literatura ken ‘mangisungsungsong iti gura iti relihion.’

Sinentensiaan idi ti nababbaba a korte ni Brother Akopyan, nga agtawen iti 70, a mangaramid iti community service. Daytoy a nabiit pay a desision ti Korte Suprema ti nangwaswas iti desision ti nababbaba a korte.

Agyamantayo ken Jehova gapu iti daytoy a panagballigitayo ken makipagragsaktayo ken Brother Akopyan. Itultuloytayo nga ikararagan dagiti kakabsattayo tapno makapagibturda a simamatalek.—2 Tesalonica 1:4.