PEBRERO 3, 2022
RUSSIA

Inaldaw a Panagbasa iti Biblia ken Panagutob, Nakatulong ken Brother Aleksey Ukhov nga Agtalek ken Jehova

I-PLAY

Asidegen nga ipakaammo ti Sovetsko-Gavansky City Court ti Khabarovsk Territory ti sentensia iti kaso ni Brother Aleksey Ukhov. Saan pay nga imbaga ti prosecutor ti dusa a kayatna a maipataw.

Time Line

Oktubre 22, 2020

Sinukisok dagiti FSB officer ti balay da Aleksey. Innalada dagiti elektroniko a gadyet, flash drive, SIM card, bank card, personal a dokumento, ken nayimprenta a publikasion. Impan isuna dagiti imbestigador iti temporario a detention center
Oktubre 23, 2020

Imbilin ti korte a maipan isuna iti pretrial detention center
Hulio 9, 2021

Nawayawayaan ken nabilin a saan a rummuar iti Komsomolsk-on-Amur, ti lugar a nakaipupokanna
Septiembre 6, 2021

Nangrugi ti pannakabistana

Maipapan kenkuana

Aleksey Ukhov

Nayanak: 1980 (Lososina)

Pakasaritaanna: Idi agtutubo pay, aktibo a miembro ti kulto. Idi tin-edyer, nakipagadal iti Biblia kadagiti Saksi ni Jehova ket dakkel ti nagbalbaliwanna. Nabautisaran idi 1996. Nagasawada ken Liliya idi 2003

Personal a Komento

Ania ti nakatulong tapno mapagtalinaedmo ti ragsakmo bayat nga addaka iti pagbaludan?

Nakatulong kaniak ti regular a panagbasa iti Biblia ken panagutob. Idi naikkanak iti ballpen ken papel, inrugikon nga insurat dagiti makapainteres a naadalko iti kada kapitulo. . . . Iti intero a pannakaibaludko, binasak ti intero a Biblia sa inulitko manen a basaen agingga a nadanonko dagiti “segundario a propeta.” Gapu iti panagbasa ken panagutobko, kasla nakadanonak iti ruar dagiti pader ti pagbaludan.

Kasano a ti kapadasam iti pagbaludan napabilegna ti panagtalekmo ken Jehova?

Adda gundaway a nabigbigko a nagtalekak idi iti bagik ken iti bukodko a pigsa iti adu a banag sakbay a naibaludak. . . . Idi, masansan a siguradoak a masolusionak ti amin a banag. No adda maperdi, tarimaanek. No adda kasapulak, gatangek. . . . Ngem ita, gistay awan maaramidak a mangsolbar iti problema gapu iti agdama a situasionko. Naawatak a ti pudpudno a panagtalek ket panangyawat ken Jehova iti amin a banag.

Ammotayo nga itultuloy ni Jehova a gunggonaan ni Aleksey gapu ta “intalekna ti bagina iti Daydiay mangukom a sililinteg.”—1 Pedro 2:23.

Baka Kayatmo Met ti

DAMDAMAG

Naibalud Gapu iti Pammatida—Russia

Maibalbalud dagiti Saksi ni Jehova idiay Russia gapu iti pammatida. Ammuem ti pakasaritaanda, ken i-download-mo ti listaan dagiti agdama a nakabalud a Saksi.

DAMDAMAG