Idi Marso 7, 2019, binaliktad ti Korte a Pagapelaran iti Khanty-Mansiysk, Russia, ti desision ti Surgut City Trial Court a mangibalud ken Brother Artur Severinchik. Isu ket nawayawayaan idi Marso 15.

Maysa ni Brother Severinchik kadagiti tallo a kakabsat a lallaki a naibalud idi Pebrero 17, kalpasan a naserrek dagiti balbalay kadagiti siudad iti Surgut ken Lyantor. Saan a winayawayaan ti korte ti dua pay a kakabsat a da Yevgeniy Fedin ken Sergey Loginov.

Adu a pagilian ti naginteres iti daytoy. Imbilin ti European Court of Human Rights a maipadoktor ni Brother Loginov, a naparigat bayat ti pannakaibaludna.

Agyamantayo ta nawayawayaan ni Brother Severinchik. Itultuloytayo nga ikararag a dagiti kakabsattayo iti Russia a nakabalud ket agtalek ken Jehova, a laglagipenda a babaen ti tulongna ‘saanda a pulos maan-ano.’—Salmo 16:8.