Idi Oktubre 8, 2020, ti Zasviyazhsky District Court iti Siudad ti Ulyanovsk sinentensiaanna da Brother Aleksandr Ganin, Khoren Khachikyan, Andrey Tabakov, ken Mikhail Zelenskiy, agraman ni Sergey Mysin ken ti asawana a ni Nataliya. Nasentensiaanda iti dua a tawen ken innem a bulan agingga iti uppat a tawen a suspendido a pannakaibalud. Kaipapanan dayta a saan pay la a maibalud ita dagiti kakabsattayo.