SEPTIEMBRE 21, 2022
RUSSIA

“Maibturantayo Amin Dagitoy nga Agkakadua”

I-PLAY

Asidegen nga iyanunsio ti Avtozavodskiy District Court iti Nizhny Novgorod ti desisionna iti kaso ni Brother Gevorg Gevorkyan. Saan pay nga imbaga ti prosecutor ti dusa a kayatna a maipataw.

Time Line

Hulio 17, 2019

Sinukisok dagiti polis ti balayna. Innalada dagiti dokumento ken gadyetna
Hulio 18, 2019

Impupokda iti pagtrabahuanna sada innala tapno maimbestigaran. Sangapulo nga oras a nakapupok
Agosto 26, 2021

Naparitan nga agbiahe
Nobiembre 24, 2021

Naidarum gapu iti panangikonduktana iti gimong dagiti Saksi ni Jehova
Enero 26, 2022

Naisubli ti kaso iti prosecutor

Maipapan Kenkuana

Gevorg Gevorkyan

Nayanak: 1971 (Tvarcheli, Republic of Abkhazia)

Pakasaritaan: Immakar ti pamiliana idiay Tbilisi, Georgia, idi agtawen iti 15. Idi nangrugi ti gubat sadiay, napanda idiay Russia. Nagtrabaho kas opereytor iti forklift iti maysa a paktoria

Ti publikasion a Life–How Did It Get Here? By Evolution or by Creation? ti nangtignay kenkuana a mangusig kadagiti saludsod maipapan iti nagtaudan ti biag. Nakipagadal iti Biblia ken nabautisaran idi 1996. Nagkasarda ken Yana iti dayta met la a tawen

Personal a Komento

Ania ti nakatulong kenka ken iti pamiliam nga agtalinaed a naragsak?

Ikagkagumaanmi ken baketko ti agbalin a positibo, ngem no dadduma, umapay latta ti pannakaupay. No mapasamak dayta, ipatalgedmi ti ayat ken suportami iti maysa ken maysa.

Kasano nga impakita ni Jehova ti ayatna kenka?

Apresiarek unay ti tulong ken panangaywan dagiti padak a maim-imbestigaran. Iti damo a pannakabistak, adda pay dagiti nagatender a diak am-ammo a kadua dagiti kakabsat iti kongregasionmi. Napabilegak kadagiti isem ken makaparegta a sasaoda. Kasla inusar ida ni Jehova tapno ipasiguradona kaniak a maibturantayo amin dagitoy nga agkakadua.

Kas ipakita ti ulidan ni Gevorg, ti pananglaglagip a “kasta met laeng ti sagsagabaen ti amin a kakabsattayo” ket makatulong iti tunggal maysa a lumaban ken Satanas ken agtalinaed a ‘natibker iti pammati.’—1 Pedro 5:9.

Baka Kayatmo Met ti

DAMDAMAG

Naibalud Gapu iti Pammatida—Russia

Maibalbalud dagiti Saksi ni Jehova idiay Russia gapu iti pammatida. Ammuem ti pakasaritaanda, ken i-download-mo ti listaan dagiti agdama a nakabalud a Saksi.

DAMDAMAG