Asidegen nga iyanunsio ti Votkinskiy District Court ti Udmurtian Republic ti sentensia iti kaso da Brother Sergey Gobozev ken Mikhail Potapov. Saan pay nga imbaga ti prosecutor ti dusa a kayatna a maipataw kadakuada.

1. Enero 20, 2021

   Nayuli ti kaso kontra kada Sergey ken Mikhail, a naakusaran a mangor-organisar kadagiti aktibidad ti maysa nga extremist nga organisasion

2. Enero 21, 2021

   Nasukisok ti apartment ni Sergey. Kinompiskar dagiti autoridad dagiti personal a gamitna, kas iti driver’s license, dokumento ti lugan, gadyet, photo album, ken agduduma a patarus ti Biblia. Inaresto dagiti autoridad ni Mikhail ken sinukisokda ti balayna

3. Enero 22, 2021

   Naka-house arrest ni Sergey. Nayakar ni Mikhail iti maysa a pretrial detention facility

4. Mayo 18, 2021

   Nawayawayaan ni Sergey iti pannaka-house arrest-na ngem saanna a mabalin ti agbiahe

5. Mayo 19, 2021

   Nawayawayaan ni Mikhail iti pretrial detention ngem saan latta a mabalin nga agbiahe

6. Oktubre 7, 2021

   Nangrugi ti pannakabistada

Agtalektayo nga agtultuloy a tulongan ni Jehova da Sergey ken Mikhail bayat nga ar-aramidenda ti amin a kabaelanda a mangpabileg iti pammatida babaen ti panagadal iti Biblia ken panagkararag.—Colosas 2:6, 7.