Idi Hulio 19, 2023, nawayawayaan ni Brother Yuriy Savelyev manipud iti maysa a pagbaludan iti Russia iti siudad ti Rubtsovsk. Naibalud idi Nobiembre 9, 2018, ket nagpaut dayta iti uppat ket kagudua a tawen.

Bayat a nakabalud, nagsakit ni Yuriy gapu ta narugit ti aglawlaw. Kasta met, sumagmamano a daras a naipan iti selda nga istrikto ti pannakabantayna gapu kadagiti ulbod nga akusasion. Iti laksid dagitoy a pakarigatan, nagtalinaed ni Yuriy a positibo gapu iti bileg nga ipapaay ti kararag. Gapu ta nasingpet ni Yuriy ken ipakpakitana dagiti Nakristianuan a kualidad, resrespetuen ti adu a padana a balud, kasta met dagiti guardia.

Sakbay a naawat ni Yuriy ti sentensiana, nagsao iti korte, ket kinotarna ti imbaga ni Jesus iti Mateo 22:37: “Masapul nga ayatem ni Jehova a Diosmo iti amin a pusom ken amin a kararuam ken amin a panunotmo.” Nakasaysayaat ni Yuriy nga ulidan iti panangtungpal kadagita a sasao gapu iti panagtalinaedna a matalek. Kombinsidotayo nga itultuloy ni Jehova a bendisionan ni Yuriy gapu iti pammati, ayat, ken panagibturna.