Asidegen nga ipakaammo ti Leninskiy District Court of Rostov-on-Don ti desisionna iti kaso ni Sister Galina Parkova. * No mapaneknekan a nakabasol, kiniddaw ti prosecutor iti korte a masentensiaan iti tallo a tawen a suspended prison sentence.

Galina Parkova

• Nayanak: 1970 (Kaltan)

• Pakasaritaanna: Idi 1990, nagkasar da Galina ken Aleksandr. Naaddaanda iti tallo nga annak a babbai ken dua nga appoko. Nakipagadalda iti Biblia kadagiti Saksi ni Jehova. Nabautisaran ni Galina idi 1995. Magusgustuanna ti agkanta ken agdrowing

Dagiti agtuturay ket nangyuli iti kaso kriminal maibusor ken Galina idi Hunio 6, 2019. Sumagmamano a lawas laeng sakbay dayta, naaresto ken naipan iti pretrial detention ni lakayna a ni Aleksandr.

Gapu ta nakabalud ni lakayna, marigatan ni Galina nga agbirok iti pagbiagna. Maysa pay, saanna a mausar ti kuartana iti bangko ken saanna a mairuar ti sueldona ta sinuspende dagiti agtuturay ti bank card-na. Gapu iti dayta, nagikkat iti trabahona ket nagbirok kadagiti temporario a trabaho tapno adda pagbiagna.

Dagiti kakabsattayo idiay Russia ket ‘nalinteg a tattao ngem matrattratoda a kasla nagaramidda iti dakes.’ (Eclesiastes 8:14) Ngem ti pammatida pabilgennatayo nga agtalinaed a matalek aniaman ti pakaipasanguantayo a pannubok.