Kas naipadamagen, inanamongan ti Oryol Regional Court idi Mayo 23, 2019 ti pannakasentensia ni Dennis Christensen. Kas resultana, matuloy ti innem a tawen a pannakaibaludna. Dua a tawenen a nakabalud uray saan pay a nasentensiaan. Iti linteg ti Russia, katupag dayta ti tallo a tawen a pannakaibalud isu a tallo a tawen laengen ti nabati iti sentensiana. Iti rabii ti Hunio 6, 2019, nayakar ni Brother Christensen iti maysa a penal colony tapno iruginan nga ikaro ti sentensiana. Agapelartayto iti European Court of Human Rights (ECHR) maipapan iti sentensia ni Brother Christensen. Addan ti naisubmitir nga aplikasion a mangkidkiddaw iti ECHR a mangideklara a di nainkalintegan ti pannakaibaludna uray saan pay a nabista.

Apresiarentayo ti kinakalmado ken panagibtur ni Brother Christensen iti laksid ti agtultuloy a di nainkalintegan a pannakatratona. Masiguradotayo nga itultuloy a tulongan ni Jehova ni Brother Christensen, kasta met ti nasurok a 200 a Saksi ni Jehova idiay Russia a naidarum iti kaso kriminal.​—Salmo 27:1.

Basaem ti naisurat a sasao ni Dennis Christensen iti Oryol Regional Court idi Mayo 16, 2019.

Basaem ti naisurat a sasao ni Dennis Christensen iti Oryol Regional Court idi Mayo 23, 2019.