Inton Enero 27, 2021, * ipakaammo ti Nadezhdinskiy District Court of the Primorye Territory ti desisionna iti kaso ni Brother Vladimir Filippov. Mabalin a maibalud iti innem ket kagudua a tawen.

Vladimir Filippov

• Nayanak: 1943 (Oktyabrskiy, Novosibirsk Region)

• Pakasaritaanna: Sakbay a nayanak ni Vladimir, natay ti tatangna idi Gubat Sangalubongan II. Isu ket naggraduar iti Tomsk Artillery School idi 1964 kas maysa a teniente. Nagkasarda ken Lyubov nga asawana idi 1967. Nagserbi kas soldado iti 27 a tawen sakbay a nagretiro

  Nangrugi a nakipagadal iti Biblia di nagbayag kalpasan nga inaramid dayta ni baketna idi 1994. Nabautisaranda iti simmaruno a tawen

Idi Agosto 2017 a nangrugi dagiti agtuturay a mangirekord a sililimed iti audio ken video ni Brother Filippov ken ti dadduma pay a kakabsat idiay Razdolnoye. Sumagmamano a bulan a sililimed nga inrekord dagiti agtuturay ti panagpalawag ni Vladimir kadagiti gimong ken ti pannakisaritana kadagiti kaarrubana maipapan iti Biblia.

Idi Hulio 19, 2018, sinerrek dagiti armado ken nakaabungot a tao ti Federal Security Service (FSB) ti balay ti pamilia Filippov. Dinanog dagiti tao ti FSB ti rupa ni Vladimir, nga agtawen idi iti 75, pinagpaklebda, ginalutanda ti imana iti likudna, sa sinukisokda ti apartment-na. Namindua pay a sinerrekda ti balay ti pamilia Filippov, idi Agosto 2019 ken idi Enero 2020. Nayuli ti kaso kriminal maibusor ken Vladimir kalpasan ti maikadua a pannakaserrekda.

Sapay koma ta agtultuloy a pabilgen ken papigsaen ni Jehova dagiti kakabsattayo tapno mataginayonda ti pammati ken rag-oda!—Isaias 40:29, 31.