NOBIEMBRE 27, 2023 | UPDATED: SEPTIEMBRE 24, 2024
RUSSIA

UPDATE—NAPAGMULTA | “Tulongannak ni Jehova iti Pakarigatak”

I-PLAY

Idi Septiembre 23, 2024, indeklara ti Dzerzhinskiy District Court of Yaroslavl a nakabasol iti krimen ni Brother Anton Kokovin ket pinagmultada iti 75,000 a ruble ($806 U.S.).

Maipapan Kenkuana

Anton Kokovin

Nayanak: 1990 (Yaroslavl, Yaroslavl Region)

Pakasaritaanna: Agtrabtrabaho kas communications engineer

Sipud kinaubingna, insuron kenkuana ni nanangna dagiti prinsipio ti Biblia. Idi tin-edyeren, pinampanunotna a naimbag ti maipapan iti biag. Nabautisaran kas maysa a Saksi ni Jehova idi 2009

Personal a Komento

Ania ti tumultulong kenka tapno agtalinaed ti panagtalekmo ken Jehova?

Impadto ni Jesus a maidadanesto dagiti pasurotna. Isu nga ammo ni Jehova no ania ti mapaspasamak kaniak ken no kasano a tulongannak. Idaldalannak ti Saona ken ti organisasionna tapno agtalinaedak a matalek ket kanayon a dumteng dayta iti eksakto a tiempo a kasapulak. Pampanunotek met ti naisurat iti Salmo 30:11: “Imbes a maladingitanak, pinagsalanak gapu iti ragsak; inuksobmo ti nakersang a badok, ket kinawesannak iti rag-o.” Adu ti saanko nga ammo maipapan iti situasionko. Ngem siguradoak a pumaysonto kaniak dayta a bersikulo. Ammok a tulongannak ni Jehova iti pakarigatak ken aramidenna dayta iti kasayaatan a pamay-an.

Masiguradotayo met a bendisionan ni Jehova ti pammati ken panagibtur ti amin a mangsuporta kenkuana kas agturay.—Hebreo 11:6.

Time Line

Mayo 18, 2022

Naipila ti kaso kriminal
Mayo 19, 2022

Nasukisok ti balayna. Pinalutpot dagiti polis
Hunio 06, 2022

Naakusaran a makipaspaset kadagiti aktibidad ti maysa nga extremist nga organisasion ken naparitan a pumanaw iti lugarda
Mayo 29, 2023

Nangrugi ti pannakabistana

Baka Kayatmo Met ti

DAMDAMAG

Naibalud Gapu iti Pammatida—Russia

Maibalbalud dagiti Saksi ni Jehova idiay Russia gapu iti pammatida. Ammuem ti pakasaritaanda, ken i-download-mo ti listaan dagiti agdama a nakabalud a Saksi.

DAMDAMAG