MAYO 10, 2022
RUSSIA

UPDATE | Naparmek ni Galina Abrosimova ti Butengna

I-PLAY

Idi Agosto 11, 2022, imbasura ti Nizhny Novgorod Regional Court ti apela ni Sister Galina Abrosimova. Saan pay a kasapulan a maibalud iti daytoy a tiempo.

Idi Mayo 6, 2022, sinentensiaan ti Sovietskiy District Court ti Nizhny Novgorod ni Galina iti innem a tawen a suspendido a pannakaibalud.

Time Line

Hunio 4, 2019

Indarum dagiti imbestigador ti sumagmamano a Saksi ni Jehova iti Nizhny Novgorod Region. Karaman kadagiti pammabasolda ti panaggigimong, panagkolekta iti donasion, ken panangkombinsir iti dadduma a makimiembro iti maiparit a narelihiosuan nga organisasion
Hulio 17, 2019

Na-raid ken nasukisok ti balbalay ti 35 a pamilia dagiti Saksi ni Jehova. Naaresto ni Galina ken temporario a naipan iti detention center iti dua nga aldaw
Oktubre 19, 2021

Nangrugi ti pannakabista ti kaso ni Galina

Maipapan Kenkuana

Galina Abrosimova

Nayanak: 1966 (Prigorodnoye, Penza Region)

Pakasaritaan: Magusgustuanna ti aggansilio ken agdait. Nagtrabaho kas maysa a pharmacist. Idi nagretiro, nagtrabaho kas assistant iti maysa a pagdaitan. Adda dua nga annakna

Idi natay ni lakayna, adu ti saludsodna. Nangrugi nga agadal iti Biblia tapno masarakanna dagiti sungbat. Nagbilib iti nalawag ken praktikal a mensahe ti Sao ti Dios. Nabautisaran kas maysa a Saksi ni Jehova idi 2000

Personal a Komento

Ania ti nakatulong kenka a mangparmek iti butengmo nga agsao iti korte?

Saanko nga ammo ti aramidek nangruna idi damo a mabistaak. Isu a kiniddawko iti amin a gagayyemko nga ikararagandak tapno saanak nga agbuteng. Adda naawatko a surat manipud iti maysa a brother a nasentensiaanen. Insuratna: “Agtalekka laeng ken Jehova . . . Masdaawkanto lattan ta nakakalkalmado ti riknam.” Mas kalmadoak itan. Imbilangko ti damo a pannakabistak a kas iti damo a pannakisarita iti ministerio. Saanmo nga ammo no ania ti reaksion ti makasaritam. Ngem inton aglukaten ti ruangan, masansan a nasayaat ti resulta ti pannakisaritam.

Kombinsidotayo nga itultuloy ni Jehova a patureden dagiti kakabsattayo idiay Russia tapno makaipaayda iti panangsaksi no ‘maipanda kadagiti gobernador ken ari.’—Marcos 13:9.

Baka Kayatmo Met ti

DAMDAMAG

Naibalud Gapu iti Pammatida—Russia

Maibalbalud dagiti Saksi ni Jehova idiay Russia gapu iti pammatida. Ammuem ti pakasaritaanda, ken i-download-mo ti listaan dagiti agdama a nakabalud a Saksi.

DAMDAMAG