NEW YORK—Idi Mierkoles, Abril 19, 2017, agarup 300 a tattao ti naguummong (dadduma kadakuada ti agur-uray alas dos pay laeng ti bigat) para iti maikalima nga aldaw a panangdengngeg ti Korte Suprema ti Russian Federation iti dawat ti Ministry of Justice a mangpaserra iti Administrative Center dagiti Saksi ni Jehova. Rinepaso ti Korte ti 43 a volume dagiti papeles a naisubmitir kas ebidensia. Naibinsabinsa iti dayta ti panangabuso dagiti autoridad ti Russia kadagiti Saksi iti napalabas a sangapulo a tawen.

Idi narepaso dagiti dokumento, awan ti maipakita dagiti abogado ti Ministry of Justice a legal a pangibasaran iti panangpaserrada iti Administrative Center. Awan met ti legal a pangibasaranda a makadangran ti aramid [extremist] ti Administrative Center wenno ti aniaman a Local Religious Organization (LRO) nga us-usaren dagiti Saksi ni Jehova idiay Russia. Ni Yury Toporov, maysa kadagiti abogado ti Administrative Center, imbagana iti Korte nga adu kadagiti papeles a naisubmitir ket dagiti award ken letters of appreciation a naawat ti Administrative Center manipud iti gobierno. Pammaneknek dagita nga adu a tawenen a bigbigbigen dagiti autoridad ti nasayaat a maar-aramidan ti Administrative Center iti komunidad. Paneknekan met ti dadduma a volume dagiti dokumento nga idi pay 2008 nga agin-inspeksion ti Ministry of Justice kadagiti LRO nga us-usaren dagiti Saksi idiay Russia ngem awan a pulos ti extremist nga aramid a nakitada kadagiti LRO, banag nga inadmitir dagiti abogado ti Ministry of Justice.

Ituloy ti Korte ti kaso inton Abril 20, 2017, iti 2:00 p.m.

Media Contacts:

International: David A. Semonian, Office of Public Information, +1-845-524-3000

Russia: Yaroslav Sivulskiy, +7-911-087-8009