Ti maudi nga aldaw a pannakabista ni Brother Arkadya Akopyan, agtawen iti 70 ken retirado a mannait iti Russian Republic of Kabardino-Balkaria, ket inton Disiembre 21, 2018. Nasuroken a makatawen a mabisbista ti kasona iti Prohladniy District Court. Naakusaran nga agiwarwaras iti “extremist” a literatura ken ‘mangisungsungsong iti gura iti relihion’ bayat ti palawagna a naibatay iti Biblia iti Kingdom Hall.

Saan a masigurado no ipaulogen ti hues ti desisionna inton Disiembre 21. No masentensiaan, agmulta iti dakkel ni Brother Akopyan wenno maibalud iti agingga iti uppat a tawen.

Maysa ni Brother Akopyan iti nasurok a 100 a Saksi ni Jehova iti Russia a naidarum iti kaso kriminal gapu iti pammatida. Ikararagtayo ngarud nga amin a kakabsattayo a mangtagtaginayon iti pammatida ket agtultuloy a maaddaan iti talna a ti Dios laeng ti makaited.—Efeso 6:11-14, 23.