Idi Hunio 1, 2023, inaprobaran ti New York State Department of Environmental Conservation ti permit a mangdalus kadagiti napukan a kayo iti site ti Ramapo. Nalpas ti panagpukan kadagiti kayo idi Marso 18, agarup dua a lawas sakbay nga agpatingga ti impalubos ti lokal nga autoridad a panagpukan.

Kinuna ni Brother Robert McRedmond nga agserserbi kas koordineytor iti Construction Project Committee (CPC) para iti Ramapo: “Ammomi a kadagiti dadakkel a proyekto a kas iti daytoy, no addan permit ken approval, mabiit laengen a mairugi ti konstruksion. Nakitami no kasano nga inwalin ni Jehova dagiti lapped, ket namnamaenmi a kastanto met laeng ti aramidenna no addanto manen dagiti lapped.”—Isaias 57:14.

Agtultuloy a makitintinnulong ti CPC kadagiti lokal nga autoridad tapno maalada ti approval para iti intero a proyekto.