Idi Disiembre 28, 2022, inaprobaran ti Town Board ti Ramapo ti espesial a permit para iti proyekto a panagibangon idiay Ramapo. a Daytoy nga espesial a permit ipalubosna a maibangon iti lote dagiti patakder a mausar kas opisina, studio, ken pagnaedan. Ipalubosna pay ti pannakapukan dagiti kayo iti lote sakbay nga aprobaran ti Town Planning Board ti sumaruno a paset ti proyekto, a maekspektar iti 2023. Gapu iti daytoy nga espesial a permit, maliklikan ti mabayag a pannakaitantan ti proyekto.

Ni Brother David Soto, nga agserserbi iti Construction Project Committee, kunana: “Maragsakankami a nakaawat iti permit. Nupay adda pay dagiti kanayonan nga aramiden sakbay a mangrugi ti panangibangon iti proyekto, agtalekkami nga agtultuloy a bendisionan ni Jehova dagiti panagreggettayo.”

1. Oktubre 5, 2019

   Inyanunsio ti Bagi a Manarawidwid ti pannakaibangon ti pasilidad iti lote idiay Ramapo, New York, a pakaaramidanton ti amin nga audio ken video a proyekto

2. Hunio 26, 2020

   Pormal a naisubmitir ti aplikasion iti Town Board ti Ramapo

3. Hulio 8, 2020

   Umuna a pannakimiting iti Town Board ti Ramapo maipapan iti proyekto

4. Marso 31, 2021

   Naisubmitir ti Draft Environmental Impact Statement

5. Marso 8, 2022

   Nangted ti Town of Tuxedo Planning Board iti permit a mangipalubos iti pannakapalawa ken pannakabaliw ti kalsada nga agturong iti lote idiay Ramapo

6. Marso 12, 2022

   Naakseptar ti Final Environmental Impact Statement

7. Nobiembre 9, 2022

   Inaprobaran ti Town Board ti Ramapo ti baro a linteg a mangipalubos iti pannakausar ti lote a pagibangonan kadagiti opisina ken pagnaedan

8. Disiembre 28, 2022

   Inaprobaran ti Town Board ti Ramapo ti espesial a permit a mangipalubos iti pannakapukan dagiti kayo ken pannakaisagana ti lote a pakaibangonan dagiti pasilidad

9. Pending

   Naan-anay a pannakaaprobar ti intero a plano