Impakaammo ti Bagi a Manarawidwid dagiti Saksi ni Jehova a nangpilida kadagiti sangay a mangpadas a mangisubli iti panaggigimong iti personal. Dagitoy a sangay ket mangpili iti Kingdom Hall kadagiti lugar nga adun ti nabakunaan ken nababa ti kaso ti COVID-19. Siempre, masurot ti amin a paglintegan ti lokal a gobierno maipapan kadagiti indoor gathering. Naibasa daytoy a pakaammo kadagiti pamilia ti Bethel iti intero a lubong idi Biernes, Oktubre 15, 2021.

Depende iti resulta daytoy nga urnos, makitanto no ad-adu a kongregasion ti mapalubosanen nga aggigimong iti personal. Naibaga met iti pakaammo nga agingga iti Enero 1, 2022, agtultuloy pay laeng dagiti restriksion iti kaaduan nga aktibidad ti organisasiontayo.

Agyamantayo unay iti Bagi a Manarawidwid ta ay-aywananda dagiti kakabsat iti intero a lubong, kasta met iti naannad a panagdesisionda maipapan iti panangisubli kadagiti aktibidad ti organisasion. Pangngaasiyo ta itultuloyyo nga ikararag ti panangiwanwan ken pamendision ni Jehova kadagitoy nga urnos.—Proverbio 14:16.