Kalpasan ti tallo a tawen a panagplano, panangisagana, ken napasnek a panagkararag, immarangkadan ti pannakasiuting Ti Naimbag a Damag Sigun ken Jesus idi Biernes, Mayo 20, 2022. Naragsak ti team dagiti kakabsat manipud iti nadumaduma a nasion nga adda idiay Australia iti dayta a nakallalagip a pasamak. Adda met sadiay ni Brother Geoffrey Jackson ti Bagi a Manarawidwid. Imbagana: “Makaparagsak a makita nga eksayted ti amin para iti daytoy agarup 1,000 a minuto a video maipapan iti biag ni Jesus a mangdanonto iti isip ken puso ti minilion a tattao.”