NEW YORK—Inton Sabado, Marso 22, 2014, rugian dagiti Saksi ni Jehova ti sangalubongan a kampania a panangawis iti publiko para iti ibilangda a kapatgan nga okasion iti tawen: ti Pananglaglagip iti ipapatay ni Kristo. Idi 2013, adda 19,241,252 a timmabuno iti daytoy nga espesial a taripnong. Namnamaen dagiti Saksi nga ad-adunto pay ti bilang dagiti dumar-ay iti daytoy a Pananglaglagip ita a tawen a maangay inton Lunes, Abril 14, kalpasan ti ilelennek ti init.

“Siguradomi a dagiti amin a makikadua kadakami nga umatender iti Pananglaglagip ket maragsakan ken magunggonaan iti dayta nga okasion,” kuna ni J. R. Brown a pannakangiwat dagiti Saksi ni Jehova iti sangalubongan a hedkuarterda iti New York. “Dayta ti mangparegta kadakami a mangawis iti ad-adu pay a mabalin a makikadua kadakami iti daytoy a sagrado nga okasion.”

Media Contact(s):

International: J. R. Brown, Office of Public Information, tel. +1 718 560 5000